अर्थव्यवस्था कितीही तेजीत असो, खाजगीकरणाचे कितीही फायदे सांगितले,त्यांचा गवगवा केला तरीही सरकारी नोकरीबाबत मराठी वर्तुळात असणारी महत्वाकांक्षा, त्याची क्रेझ कधीही कमी होऊ शकत नाही. दरवर्षी महाराष्ट्रभरातून लाखो तरूण तरूणी स्पर्धापरीक्षांची तयारी करतात, परीक्षा देतात. परीक्षार्थींच्या तुलनेत नेहमी तुटपूंज्या असलेल्या जागांमुळे काहीजण अनेकदा प्रयत्न करूनही अयशस्वी ठरतात. पण, काही जण असे असतात की ते वारंवार यश आपल्याकडे खेचून आणतात. ते का?कसं ? त्यांची अभ्यासाची पद्धत वेगळी असते का ? या प्रश्नांची उत्तरं देत आहेत स्थापत्य अभियंता श्री. ओमकार गिरकर, जे तीन वेळेला अभियांत्रिकी क्षेत्रातील प्रतिष्ठेच्या शासकीय नोकऱ्यांची नियुक्तीपत्रं मिळवण्यात यशस्वी ठरले.