“Tarapp” layihəsi çərçivəsində hazırlanan bu kurs şagirdlər‚ abituriyentlər‚ birinci kurs tələbləri‚müəllimlər‚ müəllimiyə namizədlər və xarici ölkələrdə yaşayan azərbaycanlılar üçün nəzərdə tutulub. Bu proqram daxilində 6-11-ci sinif Azərbaycan  tarixi fənlərinin dərsləri səsləndirilərək yığılıb. Dərslər 10 illik pedaqoji stajı olan və 8 illik repetitorluq təcrübəsi olan tarix müəllimi Günel Əhmədova tərəfindən hazırlanıb.

Artıq şagirdlər bu kurs vasitəsilə 12 kitabı bir yerdən əldə edəcəklər. Bu proqram daxilində bütün mövzular xüsusi olaraq bir neçə mənbədən araşdırılaraq toplanıb və şagirdə‚ abituriyentə‚ tələbəyə məhz lazım olan informasiyalar burada cəmlənib. Səsləndirilən dərslər bütün fənn proqramını əhatə edir.

İstifadəçilər bu kursun dərslərini kitab oxumaq üçün uyğun olmayan situasiyalarda da dinləyə biləcəklər. Dərs öyrənməyi əylənəcəyə çevirən “Tarapp” metroda‚ marşrut avtobusunda‚ piyada yol gedərkən də istifadə oluna bilər. Səhər məktəbə gedən şagird və ya hazırlığa gedən abituriyent elə yoldaca dərslərini təkrarlayacaq. Bunun üçün onlara müasir smartfon və qulaqcıq lazım olacaq‚ təbii ki‚ əsas olaraq da “Tarapp” kursu.

Sosial şəbəkələrdə tez-tez xaricdə yaşayan həmvətənlərimizin Azərbaycan tarixinə aid kitablar axtarması‚ öz övladlarına Azərbaycanın tarixini öyrətmək üçün ölkədə yaşayanlardan kitablar istəməsi hallarına rast gəlirik. “Tarapp” başqa ölkələrdə yaşayan dünya azərbaycanlıları üçün də göydəndüşmə bir proqramdır.

Həmçinin‚ bu tətbiqetmə sayəsində şagirdlər gün ərzində kitab oxumaq üçün bir neçə saat müddətində gözlərinin sərf etdiyi enerjiyə qənaət edəcək‚ bu da gələcəyimiz olan şagirdlərin gözlərinin zəifləməsinin qarşısını alacaq. Xüsusi olaraq‚ gözdən əlil olan və ya görməsində müəyyən dərəcədə problemlər yaranan şagirdlər bu tətbiqdən rahatlıqla istifadə edə biləcəklər.