AREND is 'n sosialenetwerkdiens soortgelyk aan Facebook, maar wat spesiaal ontwikkel is om die deurlopende professionele ontwikkeling van onderwysers te bevorder. Die tegnologie is gebaseer op die idee dat onderwysers die beste by mekaar leer om hulle werk te doen.  AREND is in webformaat beskikbaar, maar 'n kleiner weergawe daarvan is ook in al die toepwinkels beskikbaar om leergeleenthede na onderwysers te neem - waar en wanneer hulle wil leer. 

AREND is komplekser as Facebook, maar bied baie meer funksies wat gebruik kan word om leergeleenthede te skep. Die doel van hierdie SACE-geakkrediteerde kursus is om onderwysers te leer om AREND effektief te gebruik om bewys van hul deurlopende professionele ontwikkeling te skep, daarom is die fokus op Tipe 1, 2 en 3 professionele ontwikkelingsaktiwiteite.

Aan die einde van die kursus word 'n Udemy-sertifikaat toegeken wat sertifiseer dat jy hierdie Tipe 3-PO-aktiwiteit voltooi het. Jy verdien ook 5 PO-punte daarvoor en ek leer jou hoe om die punte te eis. Daarna moet jy jaarliks in AREND aan genoegsame aktiwiteite deelneem om 'n verdere 10 PO-punte per jaar te verdien. Ek leer jou in hierdie kursus ook hoe om die verdere 10 PO-punte per jaar te eis. 

Dit is egter nie al nie. Ek leer jou in AREND in die groep DPOO-CPTD verder om punte vir al die ander PO-aktiwiteite te eis. Dus hoop ek dat hierdie 'n vrugbare leergeleentheid vir my ons almal gaan wees.