Azərbaycan dili proqramına xoş gəldin! Ənənəvi sistemdən kənara çıxaraq sizə virtual formatda "Azərbaycan dili" fənnini təqdim edirik. “Oflayn distant” tədris metodikasına uyğun olaraq təklif edilən "Azərbaycan dili" fənninin məziyyətləri nədir?

Təhsil Nazirliyinin orta məktəblər üçün Azərbaycan dili dərsliklərinə və Dövlət İmtahan Mərkəzinin (DİM) qəbul proqramlarına əsaslanan virtual kursumuzun fərqi ondadır ki, burada bütün mövzular sxemlər şəklində verilir. Bu da dilimizin qayda-qanunlarını öyrənmək istəyənlər üçün səmərəli və asan yoldur. Eyni zamanda, daha çox vizual yaddaşa əsaslanan bu təlim sistemi digərlərindən çox daha effektivdir. Bu virtual sistemin bir çox üstünlükləri var. Əsas üstünlüklərimiz nədir? Dinləyicilər gün ərzində istənilən saatda, istədikləri mövzuda videoya daxil olmaqla biliklərini sərbəst qrafikdə və ən əsası, peşəkar formada təkmilləşdirə bilərlər. Bildiyimiz ənənəvi repetitorlar tərəfindən keçirilən dəsrlərdən fərqli olaraq, bu sistemdə dərslər düzgün formada V sinfin ilk mövzusundan başlayaraq XI sinfin son mövzusuna qədər xüsusi ardıcıllıqla ayırd edilib sıralanmışdır.

İnanırıq ki, bu kurs Azərbaycan dilini dərindən öyrənmək istəyən və onun təlimi ilə məşğul olan hər kəs: abituriyentlər, yuxarı sinif şagirdləri, tələbələr, MİQ-ə hazırlaşanlar (Müəllimlərin İşə Qəbulu), müəllimlər və digər vətəndaşlar üçün faydalı olacaq. Vaxtınızı səmərəli istifadə etməyiniz və biliyinizi təkmilləşdirməniz üçün əlimizdən gələni edirik. Yaranan hər hansı problem qarşısında bizimlə əlaqə saxlayın.

Hər zaman yanınızdayıq. Bu yolda hamınıza uğurlar!